HATAW! D'yaryo ng Bayan hatawtabloid.com
PINALAGAN ng grupong Kadamay ang bansag na sila ay mga magnanakaw at landgrabber.
Ayon sa mga miyembro ng Kadamay, narinig nila ang pasaring na ito mula sa ilang residente sa pabahay sa Pandi Heights sa Pandi, Bulacan, nang magtungo ang mga mambabatas roon kamakalawa.
Anila, nilait sila ng mga residente nang mabatid na kasapi sila ng Kadamay.
Giit ng grupo, tanging pabahay lamang ang matagal na nilang hiling at marami na silang pinagdaanang hirap bago makuha ang bahay na kanilang hiling.
Bago anila sila nakarating sa Pandi, ilang oras silang lumakad mula sa Litex road patungong tanggapan ng National Housing Authority sa Quezon City.
Anila, matagal na silang hindi pinapansin ng gobyerno sa kanilang mga problema kaya’t nagpasya silang pasukin ang mga nakatiwangwang na pabahay ng pamahalaan.
Nagtungo sa Pandi Heights ang mga miyembro ng Committee on Urban Planning, Housing and Resettlement ng Senado at Kongreso, upang inspeksyonin ang mga pabahay na inokupa ng mga miyembro ng Ka-damay.
(MICKA BAUTISTA)
