82-anyos birthday lola patay sa sunog sa Tondo

PATAY ang isang 82-anyos lola na nagdiriwang ng kanyang kaarawan, nang ma-trap sa nasusunog na bahay sa Tondo, Maynila, kahapon.

Kinilala ang biktimang si Lorenza Calimag, nakatira sa Madrid St., Tondo.

Nasagip ng mga tauhan ng Manila Bureau of Fire Protection, ang dalawang kaanak ng biktima na sina Jong Jeric Ca-limag, 23, at Michelle Ca-limag, 21, mula sa ika-apat palapag ng bahay na pag-aari ni Arlene Jime-nez.

Ayon sa ulat, dakong 1:00 pm nang magsimula ang sunog sa ground floor, at mabilis na kumalat ang apoy sa kata-bing mga bahay.

Tinatayang P2 milyon ang halaga ng natupok na mga ari-arian sa sunog na naapula dakong 1:43 pm.

700 PAMILYA
NASUNUGAN
SA KYUSI

MAHIGIT 700 pamilya ang nawalan ng bahay makaraan, masunog ang isang residential area sa Brgy. Damayang Lagi, Quezon City nitong Linggo ng hapon.

Ayon sa ulat, nagsi-mula ang sunog dakong 2:30 pm ngunit dakong 3:30 pm, itinaas ang alarma sa Task Force Alpha. Idineklarang kontrolado na ang sunog dakong 5:20 am.

Mahigit 50 firetrucks ang nagresponde sa insidente. Mabilis na kumalat ang apoy, dahil pawang yari sa light materials ang mga bahay.

Ayon kay Bureau of Fire Protection (BFP) Chief Inspector Aristotle Banyaga, nagsimula ang apoy sa bahay ng isang Ryan Tan.

ni LEONARD BASILIO