HATAW! D'yaryo ng Bayan hatawtabloid.com
NATAGPUAN ng mga ahente ng National Bureau of Investigation (NBI), ang ilang kilo ng pinaniniwalaang shabu, mula sa isang abandonadong sasakyan sa Binondo, Maynila, kamakalawa ng gabi.
Ayon kay Atty. Ric Diaz, regional director ng NBI-National Capital Region, nakatanggap siya ng impormasyon isang pulang Nissan Sentra (WNL-700) ang may kargang shabu, sinasabing ide-deliver sa katimugang bahagi ng Metro Manila.
Agad naglatag ng dragnet operation ang NBI para maharang ang nasabing sasakyan, at dakong 5:30 pm nang makita ang sasakyan, habang nakaparada sa Escolta, Manila.
Naghintay ang mga ahente ng NBI kung sino ang lalapit sa nasabing sasakyan, ngunit makalipas ang apat na oras, walang taong kumuha sa sasakyan, kaya’t nagdesisyon silang buksan ito.
Sa puntong ito, tumambad sa kanila sa loob ng nasabing sasakyan ang isang luggage, naglalaman ng 17 packs ng shabu.
(LEONARD BASILIO)
