HATAW! D'yaryo ng Bayan hatawtabloid.com
PATAY ang isang 28-anyos lalaking Epileptic patient na sinabing tumalon mula sa ikaapat palapag ng isang gusali sa Sampaloc, Maynila, kahapon ng madaling-araw.
Agad binawian ng buhay ang biktimang si John Kerwin Lipurada, walang asawa, residente sa Unit 1404, España Tower sa Josefina St., kanto ng Espana St., Sampaloc, Maynila.
Ayon sa imbestigasyon ni PO3 Roderick Magpale ng Manila Police District Homicide Section, dakong 4:50 am nang maganap ang insidente sa nabanggit na lugar.
Ayon sa dalawang security guard, bigla na lamang silang nakarinig ng kalabog at pagkaraan ay natagpuan ang wala nang buhay na biktima.
Ayon kay Rowena Reyes, tiyahin ng biktima, may epilepsy ang kanyang pamangkin at may ilang pagkakataon na biglang tumatakbo kapag inaatake ng sakit.
Patuloy ang imbestigasyon ng pulisya upang mabatid kung may naganap na foul play sa insidente.
(LEONARD BASILIO)
