Jake, ‘bininyagan’ si Angeline

TODO-PURI si Jake Cuenca kay Angeline Quinto dahil sa pagiging down to earth nito. Hinahangaan daw niya ang pagiging simple ni Angge.

Inalalayan din ni Jake si Angge sa love scene nila dahil first time ng singer-actress.  Sa kanya talaga bumigay si Angeline at nakipaglampungan.

Ano  ang feeling na siya ang nakabinyag?

“Hindi naman ako iyong naging coach niya pero first time kasi niya na gawin iyon so wala talaga sa comfort zone niya. Alam kong kinakabahan siya pero inalagaan ko naman siya at inalalayan sa mga eksena namin,” bulalas ng actor.

Sabi pa ni Jake, si Angeline ang nagpapaalala sa kanya na dapat ay laging magpapakumbaba. Pati na rin ang pagmamahal sa OPM. Nag-aral kasi siya sa States at naging foreign na rin ang orientation niya, pati sa ex girlfriend niya. Pero si Angge ang dahilan na hindi nakakalimutan ni Jake kung ano ang pinagmulan niya.

Inamin din ni Jake na minsan ay nabaliw din siya sa pag-ibig. Natatawa na nga lang daw siya ‘pag naaalala niya ang mga foolish thing na nagawa niya dahil in love siya at wala sa karakter niya ang mga ginagawa niya. Pero wala naman daw siyang regrets dahil itinodo niya ang lahat sa ngalan ng pag-ibig.

Talbog!

TALBOG – Roldan Castro