Sanggol inilaglag, 26-anyos ina kinasuhan ng aborsiyon

NAHAHARAP sa kaso ang isang 26-anyos babae nang namatay ang isinilang niyang sanggol dahil sa paggamit ng Cytotec sa Pandacan, Maynila.

Si Marivic Mapesa, may live-in partner, ng 2062 Lozada St., Pandacan, Maynila ay sasampahan ng kasong abortion.

Ayon sa imbestigas-yon ni SPO2 Jonathan Bautista ng Manila Police District (MPD)-Homicide Section, dakong 1:20 am nang ideklarang patay ang isinilang na sanggol ni Mapesa sa delivery room ng Ospital ng Maynila.

Nauna rito, isinugod ni Ian Lee Carl, boyfriend ni Mapesa, sa ospital ang suspek nang dumaing nang matinding pananakit ng tiyan habang nasa trabaho bilang waitress sa Buendia, Makati City.

Gayonman sa imbes-tigasyon ng pulisya, i-namin ni Mapesa na bago ang pananakit ng kanyang tiyan ay naglagay siya ng dalawang pirasong Cytotec sa kanyang ari dakong 9:00 pm kamakalawa habang siya ay nasa trabaho.

Nang nakaramdam nang pananakit ng tiyan, dinala siya ng boyfriend sa ospital at nagsilang ng sanggol na babae ngunit idineklarang patay dahil sa paggamit ng Cytotec.

(LEONARD BASILIO)