HATAW! D'yaryo ng Bayan hatawtabloid.com
PATAY ang isang lalaking bulag ang isang mata nang lumaban sa mga tauhan ng Manila Police District-Police Station 6, habang naaresto ang apat hinihinalang drug user sa Sta. Ana, Maynila kahapon ng madaling-araw.
Binawian ng buhay habang dinadala sa Sta. Ana Hospital ang suspek na si Dian Ursua, alyas Bulag, residente sa Tejeron St., Sta. Ana, Maynila.
Habang iniimbestigahan ang naarestong sina Salvacion Nuqui, 43; Zaldy Roy Dehilo, 45; Ronald Bongabong, 32; at Kathleen Cabagnoy, pawang ng Sta. Ana.
Ayon sa imbestigasyon ni SPO2 John Duran, dakong 12:05 am nakipagtransaksiyon ang pulisya sa bahay ni Ursua sa buy-bust operation ngunit nakahalata ang suspek kaya lumaban na nagresulta sa kanyang pagkamatay.
Habang naaresto sa nasabing operasyon ang apat pang mga suspek.
Samantala, napatay nang lumaban ang isa pang hinihinalang drug pusher na si Arnel Baloca, 52, sa buy-bust operation ng mga pulis dakong 10:35 pm sa kanyang bahay sa 742 H. Benita St., Gagalangin, Tondo. ( LEONARD BASILIO, may kasamang ulat nina Maribeth Arines, Jam Breboneria, at Ruth Liman )
