Ginang na tulak itinumba

WALONG tama ng bala sa ulo ang kumitil sa buhay ng isang 47-anyos ginang na hinihinalang tulak ng droga makaraan pagbabarilin ng anim hindi nakilalang mga suspek na sakay ng motorsiklo nitong Martes ng gabi sa Pasay City.

Agad binawian ng buhay si Myra Frias y Sta. Ana, ng 26 Cinco de Junio, Brgy. 195, Zone 20 , Pasay City.

Ayon kay Chief Inspector Rolando Baula, hepe ng Station Investigation and Detective Management Branch (SIDMB) ng Pasay City Police, dakong 9:50 pm nang mangyari ang insidente sa bahay ng biktima sa Brgy. 195, Zone 20, ng lungsod.

( JAJA GARCIA )