Buntis sugatan sa ligaw na bala

SUGATAN ang isang 35-anyos buntis makaraan tamaan ng ligaw na bala mula sa dalawang lala-king nag-aaway kamaka-lawa sa Tondo, Maynila.

Nilalapatan ng Lunas sa Jose Reyes Memorial Medical Center ang biktimang si Alma Evora ng 2937 H. Pilar Street kanto ng Gagalangin, Tondo.

Habang tinutugis ng pulisya ang suspek na si Eric Naval, alyas Eric Bunganga, residente ng Guido Uno Street kanto ng Gagalangin, Tondo.

Sa ulat kay Supt. Alex Daniel, station commander ng Manila Police District (MPD)-Station 7 (Abad Santos), naglalakad ang biktima sa riles ng PNR malapit sa Hermosa St., sa Tondo, nang madaanan niya ang na-kikipag-away na si Naval sa hindi nakilalang lalaki.

Tinangkang umiwas ng biktima at sa kabilang bahagi dumaan ngunit biglang bumunot ng baril ang suspek at binaril ang kanyang kaaway.

Sa kasamaang palad, ang buntis ang tinamaan na isinugod sa pagamutan.

(LEONARD BASILIO, may kasamang ulat nina Maribeth Arines, Jam Breboneria at Ruth Liman)