HATAW! D'yaryo ng Bayan hatawtabloid.com
MULING nakakompiska ng tambak ng mga baril, patalim at ilang granada ang raiding team sa isinagawang Oplan Galugad kahapon sa New Bilibid Prisons.
Pinangunahan ito ng PNP-Special Action Force (SAF) at Bureau of Corrections (BuCor), at sumentro ang kanilang operasyon sa Maximum Security Compound.
Naniniwala ang BuCor officials na mga lumang armas pa ito na hindi nahagip ng kanilang mga unang pagsalakay.
Ang ilan sa mga baril ay nakatago sa dingding, bubong at maging sa lupa.
Tiniyak ng PNP-SAF na lalo pa nilang hihigpitan ang pagbabantay dahil sa nasabing development.
( JAJA GARCIA )
