HATAW! D'yaryo ng Bayan hatawtabloid.com
DALAWA ang patay habang isa ang sugatan makaraan pagbabarilin ng tatlong hindi nakilalang mga suspek na lulan ng motorsiklo habang nagpa-pot session ang mga biktima sa loob ng isang pampasaherong jeep kahapon ng madaling-araw sa Makati City.
Agad binawian ng buhay ang mga biktimang sina James Abad at Romeo Sudanio, pawang nasa hustong gulang, ng Brgy. Pio del Pilar, Makati City.
Habang nilalapatan ng lunas sa Makati Medical Center ang kasama nilang si Carlos Caringal.
Sinisikap ng Makati City Police na tukuyin ang pagkakilanlan ng tatlong suspek na sakay ng isang motorsiklong walang plaka.
Pasado 12:00 am nang mangyari ang pamamaril sa J. Victor St., Brgy. Pio del Pilar ng nasabing lungsod.
( JAJA GARCIA )
