HATAW! D'yaryo ng Bayan hatawtabloid.com
ARESTADO sa mga tauhan ng CIDG ang apat hinihinalang mga miyembro ng gun for-hire group na tinaguriang “Hinirang Gang” sa kanilang hang-out sa PNP-AFP Housing, Brgy. San Isidro, Rodriguez, Rizal kamakalawa.
Kinilala ang mga nadakip na sina Roberto Berones, Ronilo Marbon, Jose Belleza at Dominic Ortega.
Ayon sa imbestigasyon ng pulisya, ang mga suspek ay nadakip nang pinagsanib na puwersa ng PNP dakong 1:00 am at nakompiskahan ng dalawang cal. 38 revolver, hand grenade at cal. 45 pistol.
Magugunitang nitong nakaraan taon nang mapatay ng mga awtoridad ang lider ng grupo na si Richard Celendron.
Ang grupo ang hinihinalang responsable sa pagpatay sa 50 katao sa Quezon City at Rodriguez, Rizal.
( ED MORENO )
