Grade 7 todas sa tractor

PATAY ang isang 15-anyos Grade 7 student makaraan mahulog mula sa likurang bahagi nang sinasakyang tractor at masagasaan ng kaliwang gulong sa hulihan kahapon ng ma-daling araw sa Gate 5 ng Parola Compound, Binondo, Maynila.

Namatay noon din ang biktimang si Mark Coronel Munez, estudyante ng Harmony High School sa San Jose Del Monte Bulacan, at residente ng Blk. 37, Lot 8, Phase 1, Pabahay 2000, Muzon, SJDM, Bulacan.

Sa imbestigasyon ni SPO1 Richard Borbon, imbestigador ng Manila District Traffic Enforcement Unit (MDTE), naganap ang insidente dakong 12:05 am sa eastbound ng MICP Access Road sa harap ng Gate 5, Parola Compound, Binondo.

Nasa kustodiya na ng MDTEU at ang suspek na si Sandy Painaga, 43, driver ng Isuzu Giga tractor (AAR 1617) at residente ng Purok 6, Sorsogon St., Payatas, Quezon City.

( LEONARD BASILIO )