Sasakyan ng security ni Sec. Aguirre binaril

BINARIL ang sasakyan ng close in security ni Justice Secretary Vitaliano Aguirre.

Taliwas sa unang impormasyon, nilinaw ni Justice Undersecretary Erickson Balmes, hindi ang bahay ni Aguirre ang binaril kundi ang pribadong sasakyan ni Senior Inspector Recaredo Sarmiento Marasigan.

Nagmamaneho sa expressway si Marasigan nang maramdaman niya na may tumama sa kanyang sasakyan.

Inakala niyang may bumato lamang sa kanyang sasakyan ngunit pagdating ng bahay ni Aguirre, doon niya nakita na may bala sa kaliwang headlight ng kanyang sasakyan.

Ipina-blotter agad ni Marasigan sa himpilan ng pulisya ang insidente.

Si Aguirre ay kasalukuyang dumadalo sa isang pagtitipon ng mga hukom sa Cagayan de Oro City.

( LEONARD BASILIO )