HATAW! D'yaryo ng Bayan hatawtabloid.com
KAPWA namatay ang magkapatid na paslit makaraan lamunin ng apoy ang 40 bahay sa Las Piñas City kahapon ng madaling araw.
Kinilala ng Las Piñas Bureau of Fire Protection ang mga biktimang sina Princess Nicole , 2, at Princess Eunice, 1, ng Everlasting St., Medina Compound, ng naturang barangay.
Habang sugatan ang hindi pa nakilalang babae na tumalon sa bintana ng kanyang bahay dahil sa labis na pagkataranta.
Ayon sa arson investigators, nasa labas ng bahay ang mga magulang ng mga bata na sina Roselyn Binegla at Richard Palmones nang mangyari ang sunog dakong 12:34 am kahapon sa Everlasting Homes, Brgy. Talon 4 ng lungsod.
Hinala ng arson investigator, ang naiwang nakasinding kandila ang sanhi ng sunog.
ni JAJA GARCIA
