Biker todas sa away-trapiko sa Quiapo

PATAY ang isang lalaking sakay ng bisikleta makaraan barilin ng driver ng kotse na nakaaway niya dahil sa trapiko sa Quiapo, Maynila kamakalawa.

Kitang-kita sa CCTV kung paanong sinugod ng isang lalaking sakay ng Hyundai EON ang isa pang lalaki na nakasakay sa bisikleta.

Nagpalitan ng suntok ang dalawa ngunit nagkaayos din makaraan ang ilang minuto.

Nagkamayan pa ang dalawa bilang tanda ng pagkakaunawaan. Ngunit may iba na palang plano ang lalaking nagmamaneho ng kotse.

Kinilala ang biktimang si Mark Vincent Geralde, 35 anyos.

Habang isang 18-anyos estudyante ang sugatan nang tamaan ng ligaw na bala.

( LEONARD BASILIO, may kasamang ulat nina Kimbee Yabut at Joana Cruz )