HATAW! D'yaryo ng Bayan hatawtabloid.com
LUMALABAS pa lang patungong stage si Willie Revillame, dumadagundong na sa ingay at nagsasayawan na mga studio audience ng Wowowin.
May mga kababaihang halos maglupasay at may mga kalalakihang animo’y nagkikikisay para mapansin ni Willie habang kumakanta.
Malakas talaga ang karisma ni Willie sa tao. No wonder number one among Kapuso show ang Wowowin.
Kapansin-pansin na pusong maka-ina siya dahil pawang mga nanay ang niyayakap niya, binibigyan ng jacket, at higit sa lahat pera.
Minsan sa awa ni Willie kapag hindi nakaka-shoot ng bola, pinagbibigyan niya uli para magkapera.
Pinay X Factor Israel Grand Winner Osang, balik-‘Pinas
MULING darating sa bansa ang OFW/Pinay Grand Winner ng X Factor Israel na si Rose Osang Fostanes ngayong Hunyo matapos ang matagumpay na concerts sa Australia , Europe, at USA.
Ang pagbabalik nito sa Pilipinas ang magsisilbing bakasyon mula sa paglibot sa iba’t ibang panig ng mundo para mag-konsiyerto.
Pero habang nagbabakasyon sa Pilipinas, may mangilan-ngilang guestings ito sa iba’t ibang TV shows kasama na rin ang mall shows, radio guestings, at hotel gigs.
Magiging continuation na rin ito ng naudlot na promotion ng kanyang album sa bansa dahil noon ay kinailangan siyang bumalik ng Israel para sa mga naiwang gigs.
Heart, may sarili ng clothing lines
PINASOK na rin ng maganda at mahusay na aktres na si Heart Evangelista ang pagnenegosyo bukod sa pagiging artista at may bahay ni Senator Chiz Escudero.
Maglalabas na nga siya ng sariling clothing lines na ayon sa aktres ay may temang black and white at very affordable ang mga presyo.
Bukod sa clothing lines, masayang-masaya si Heart sa buhay may asawa at sa kanyang top rating teleserye with Dennis Trillo.
MATABIL – John Fontanilla
