Baby dragon isinilang sa Slovenia

DATING ikinonsidera ang hindi pangkaraniwang mga nilalang sa kuweba ng Postojna sa Slovenia bilang buhay na katibayan na mayroong tunay na mga dragon, at nagbunsod ito para iwasan ng mga awtoridad ang nabanggit na lugar.

Ngunit ngayon, sanlaksa mula sa iba’t ibang panig ng mundo ang nakapila para saksihan ang masasabing pambihirang pagpisa ng misteryosong mga olm—mga sinaunang underwater predator na nabubuhay nang mahigit 100 taon at minsan lang sa bawat dekada nagkakasupling.

Kamakailan ay naganap ang inaasahang pamimisa ng itlog at sumulpot ang translucent larva makalipas ang apat na buwan ng gestation, na masusing naka-monitor ng mga siyentista ang pagsilang, na nahuli sa live camera, ay hindi lamang ‘isang milagro’ pahayag ng tagapagsalita ng kuweba.

“A mere two baby olms successfully hatch from 500 eggs in nature,” wika nito sa opisyal na pahayag.

Matatagpuan lamang sa Balkan cave rivers, ang protektadong species na wangis ng igat ay naninirahan sa world-famous na Postojna cave, 50 kilometro (30 milya) sa timog-kanluran ng kabiserang Ljubljana, sa nakalipas na milyon-milyong taon.

“Although both science and researchers’ previous experience gave us almost zero chance that the drama unfolding in the cave aquarium before our very eyes would have a happy ending… we had faith it would happen,” dagdag ng cave spokesperson.

Kinalap ni Tracy Cabrera