Security aide ng Masbate gov itinumba

NAGA CITY – Patay ang security aide ng gobernador ng Masbate makaraan barilin nang hindi nakilalang mga suspek sa bayan ng Uson, Masbate kamakalawa.

Kinilala ang biktimang si Roger Gelotin Sr., 44, security agent ng Office of the Governor ng nasabing lalawigan.

Nangyari ang pamamaril sa bulubunduking parte ng Brgy. Libertad sa nasabing bayan, walong kilometro lamang ang layo mula sa himpilan ng Uson PNP.

Samantala, nananatiling blanko ang mga mga awtoridad sa posibleng motibo sa pamamaril.