Kuya patay sa saksak ni utol

LAOAG CITY – Hindi na umabot nang buhay sa Laoag City General Hospital ang isang padre de pamilya makaraan saksakin ng mismong kanyang kapatid.

Ang biktima ay si Leopoldo Salvador Ramos, 59, may asawa, habang ang kapatid na suspek ay si Joselito Salvador Ramos, 51, parehong residente ng Brgy. 35, Gabu Sur, Laoag City.

Ang biktima ay tinamaan ng saksak sa bahagi ng kili-kili na agaran niyang ikinamatay.

Ang suspek ay nasa kustodiya na ng PNP Laoag City.

Aminado ang suspek sa nagawa niyang krimen dahil sa hindi pagkakaunawaan.

Ayon kay Joselito, palagi siyang inaaway ang biktima kapag lasing.