Bebot pinalakol ni bayaw, patay

NAGA CITY – Patay ang isang babae makaraan palakulin ng kanyang bayaw sa bayan ng Goa, Camarines Sur kamakalawa.

Kinilala ang namatay na si Vevencia Borasca, nasa hustong gulang.

Ayon sa ulat ng pulisya, biglang pinalakol ng suspek na si Efren Cariño ang biktima pati na rin ang kanyang sariling kapatid na si Ruel Cariño.

Hindi pa matukoy ng mga awtoridad kung ano ang dahilan sa likod ng nasabing insidente.