Boycott sa media ng Duterte admin nakababahala

NAGPAHAYAG nang pagkabahala si Atty. Romulo Macalintal sa boycott ni President elect Rodrigo Duterte sa media.

Ayon kay Macalintal, mahirap para sa publiko kung limitado ang lumalabas na balita at pawang nanggagaling lamang sa government stations.

Hindi aniya malayong isipin na sinasala lamang ang bawat impormasyong naisasapubliko, taliwas kung bukas ang mga isyu maging sa private companies.

Kinilala rin ng election lawyer ang papel ng media sa paghahatid ng impormasyon hanggang sa kadulo-duluhang bahagi ng bansa o maging sa ibayong dagat.

Sa ibang mga pagkakataon aniya ay katuwang ng gobyerno at mga lider nito ang media lalo na kapag may mga emergency o iba pang mahalagang impormasyon na kailangang ibalita.