78-anyos buko vendor utas sa lover ng live-in partner

VIGAN CITY – Love triangle ang tinitingnan dahilan ng pagpatay sa isang 78-anyos lolo sa Brgy. Pussuac, Sto. Domingo, Ilocos Sur kamakalawa.

Kinilala ni Senior Inspector Edgardo Medrano, chief of police ng Sto. Domingo municipal police station, ang suspek na si Rodolfo Bautista alyas Rudy, residente sa Brgy. Sagsagat, San Ildefonso.

Halos mabiyak ang ulo ng biktimang si Cesar Tobias dahil sa pananaga ng suspek na si Bautista.

Ang suspek na si Rudy ay hinihinalang may relasyon sa live-in partner ng biktima na si Edith Legazpi.

Walang mga kamag-anak ang biktima sa lugar dahil nangungupahan lamang sila at tubong Allacapan,Cagayan.

Sinabi ni Medrano, sinamantala ng suspek ang malakas na buhos ng ulan para isagawa ang masamang balakin.

Bukod sa love triangle, sinasabing may kaugnayan din sa pera ang pagpaslang sa biktima.

Ang biktimang si Tobias ay isang negosyante na nagtitinda ng buko.