4 Malaysians pinalaya na ng Abu Sayyaf

KUALA LUMPUR – Pinalaya na ng Abu Sayyaf ang apat na Malaysians na kanilang dinukot noong Abril sa Sabah.

Ayon sa Malaysia, nakabalik na sa Sabah ang mga biktimang magkapatid na sina Wong Teck Kang at Wong Teck Chii, kanilang pinsan na si Johnny Lau Jung Hien at Wong Hung Sing kahapon ng umaga.

Nagtagumpay umnao ang Malaysian at Filipino negotiators para mapalaya ang apat na bihag.

Ang mga biktima ay crew ng tugboat ngunit habang pabalik ng Sarawak mula sa Filipinas, dinukot sila ng mga bandido.

Hindi malinaw kung nagbayad ng ransom para sa kalayaan ng Malaysian hostages.

Una rito, nag-demand ang Abu Sayyaf ng P40 milyon ransom para sa kalayaan ng mga biktima.