Inagurasyon ni Duterte, Palasyo walang paki

DUMISTANSIYA ang Malacañang sa preparasyon para sa inagurasyon ni President-elect Rodrigo Duterte sa Hunyo 30.

Sinabi ni Communications Sec. Sonny Coloma, labas na rito ang Aquino administration dahil okasyon na ito ni incoming President Duterte.

Ayon kay Coloma, naibigay na nila sa transition team ni Duterte ang kinauukulang mga dokumento at records ng pamahalaan para mapag-aralan.

Tiwala rin si Coloma na walang makikitang butas ang Duterte administration dahil naaayon sa batas ang lahat ng kanilang naging pagkilos.