Arkitekto pinatay ng abogado

TACLOBAN CITY – Pinaniniwalaang ‘crime of passion’ ang sanhi ng pagpatay ng isang abogado sa architect sa Leyte Normal University sa Tacloban City.

Ayon kay Chief Supt. Domingo Say Cabillan, Tacloban City director, may lumutang na isyu na posibleng nagselos ang abogadong suspek sa biktima.

Kinilala na ang suspek ngunit hindi pa pinangalanan ng mga awtoridad habang patuloy ang imbestigasyon.

Ngunit magiging bahagi na raw sa mga “person of interest” na sinisiyasat ng mga imbestigador.

Natukoy ang suspek dahil sa nakuhang CCTV footage nang nasabing unibersidad.

Nauna rito, binaril kahapon sa loob mismo ng library ang biktimang si Architect Jess Archimedes Moscare, residente ng Oras, Eastern Samar.

Binaril si Moscare gamit ang kalibre .45 pistola ng suspek na tumakas makaraan insidente.