3 sakay ng motorsiklo nakaladkad ng bus

NABUNDOL at nakaladkad ng bus ang tatlong sakay ng isang motorsiklo sa kanto ng Araneta at E. Rodriguez Avenues sa Quezon City nitong Martes.

Ayon sa mga saksi, humaharurot ang Florida bus sa E. Rodriguez kahit pula na ang traffic light. Habang hinabol ng motorsiklo ang huling segundo ng green traffic light sa Araneta.

Dahil dito, sumalpok ang bus sa motorsiklo at nakaladkad ng 100 metro ang dalawang babae at driver na kinilalang si Richard Alan.

Hindi pa nakikilala ang mga angkas niyang babae.