Bahay ng drug pusher ni-raid ng NPA

BUTUAN CITY – Pinasok nang nagpakilalang mga miyembro ng New People’s Army (NPA) ang bahay ng isang hinihinalang drug pusher sa Brgy. Pianing sa lungsod ng Butuan kamakalawa.

Iginiit nang nagpakilalang amasona na si Ka Sandara, mula sa tinaguriang Guerilla Front Committee 21 ng NPA, ni-raid nila ang bahay ng isang kilalang drug pusher sa Brgy. Pianing sa lungsod ng Butuan.

Pinasok ng grupo ang bahay ni Lito Pilisan, may asawa, asset ng pulisya. Nakuha mula sa kanyang bahay ang mga drug parapheralia at isang yunit ng kalibre .45 pistola na may mga bala.

Ayon kay Sandara, matagal na nilang isinailalim sa surviellance ang suspek dahil sa pagbebenta ng bawal na gamot, base na rin sa natanggap nilang mga reklamo.

Idiniin din niyang magsasagawa sila nang sunod-sunod na pagsalakay laban sa mga sangkot sa krimen.