Mangingisda sa Norte natuwa sa mabait na Chinese sa Scarborough

DAGUPAN CITY – Umaasa ang mga mangingisda mula sa lalawigan ng Pangasinan na magtuloy-tuloy ang magandang pakikitungo sa kanila ng Chinese Coast Guard na hindi na nangha-harass sa kanila sa pagtungo sa Scarborough Shoal.

Ayon sa ilang mangingisda mula sa bayan ng Infanta, nitong nakaraang buwan ay hindi na sila binu-bully ng mga Chinese coast guard sa pagtungo nila sa lugar para mangisda.

Dahil dito, bahagya na rin silang nakababawi sa kanilang kabuhayan.

Kasabay nito, nanawagan sila sa papasok na Duterte administration na tuluyang maresolba ng gobyerno ang agawan ng teritoryo sa West Philippine Sea upang malaya na silang makapangisda sa lugar at hindi na muling makaranas ng pagtaboy mula sa mga dayuhan.