Krimen, transport uunahin ni Digong

DAVAO CITY – Nais ni incoming president Davao City Mayor Rodrigo Duterte na tutukan ang problema sa transportasyon at krimen.

Idedeklara raw niya ang giyera laban sa krisis na magsisimula sa EDSA at ang isa pang krisis na paglaganap ng droga sa bansa.

“I have to declare a crisis in the war against crime and on the part of commuter trains and all. I have a crisis there. My crisis begins with EDSA, and the other crisis is that there are a lot of drugs. We’re fighting them on so many fronts,” ani Duterte.

Ang proyekto raw na nais niyang ipatupad ay railway system ng bansa para matugunan ang problema sa transportasyon.

Bagama’t wala pang detalye, plano ni Duterte na magkaroon ng train lines mula Manila papuntang Nueva Vizcaya province sa norte, Sorsogon at Batangas provinces sa south at isang system para sa buong Mindanao.

Aminado siyang walang budget para sa nasabing proyekto kaya plano niyang humingi ng tulong sa China.