Is Manila the next dangerous place against media people?

TILA hinahamon si President-elect Rodrigo “Digong” Duterte ng kung sino man ang nasa likod ng iba’t ibang uri ng krimen sa Maynila.

Droga, snatching, robbery, hold-up, carnapping etc., riding and tandem

At ang pinakahuli ang walang takot na pagpaslang sa kasamahan natin sa media na si Alex Balcoba sa isang mataong lugar sa C.M. Recto Ave., sa bisinidad ng Quiapo, Maynila.

Ang Quiapo ay itinuturing na ‘pusod’ ng Maynila . Katunayan, ang turo ng matatanda, kapag ikaw ay naliligaw at hindi alam kung saan ang direksiyon ng pupuntahan, sa Quiapo magpunta dahil naroon ang iba’t ibang ruta ng sasakyan — patungong hilaga (north) o patungong timog (south).

Nangyari ang pamamaslang, dakong 7:30 ng gabi, araw ng Biyernes.

Ang araw ng Biyernes sa Maynila ay isang  abalang araw, dahil sa pagdagsa ng deboto sa Quiapo church. Alam din natin na tuwing araw ng Biyernes ay alertado ang mga pulis dahil marami nga ang tao.

Kaya nakadedesmaya nang husto, na hindi man lamang naharang ang riding in-tandem na tumira kay Alex Balcoba.

Pero ang higit na nakagugulat dito, sa nasabing mataong lugar ay walang CCTV camera na puwedeng mag-record ng karumal-dumal na pangyayari.

Wattafak!

Maunlad na raw ang Maynila, e bakit walang CCTV camera sa lugar na ‘yan na alam naman nang lahat na prone sa iba’t ibang uri ng kriminalidad?

Maunlad na ang Maynila? ‘E nasaan ang mga pulis na dapat sana ay nagbabantay sa oras na ‘yan bilang bahagi ng police visibility ng Philippine National Police (PNP)?

By the way, ano ang masasabi ni MPD Press Corps president Kiko Naguit na isa sa kanyang miyembro at dating mainit na sanggang-dikit ay pinaslang sa pusod ng Maynila?

Ano ang magiging hakbang dito ni MPD Director, Gen. Rolando Nana?!

Sikapin kaya niyang lutasin ang kasong ito, para magpakitang-gilas kay Mayor Digong?

O tatanggapin lang niya ang katotohanan na magmumukha siyang kamoteng nakanganga sa kasong ito?!

Kung ang punong kabisera ng bansa — ang Maynila — ay palpak sa pagpapakalat ng CCTV laban sa kriminalidad…

At ang police bisibility ay klarong lip service lang hindi kaya ang Maynila ngayon ay isa na ring mapanganib na lugar para sa mga mamamahayag?

Is Manila the next dangerous place against media people?

Pakisagot na nga ng mga tutulog-tulog at pakaang-kaang diyan sa pansitan!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com