2 Provincial Comelec ipatatawag ng NBOC (May problema sa COC)

IPATATAWAG ngayong araw sa sa National Board of Canvasser (NBOC) ng joint congress ang provincial election officer ng Laguna at Ilocos Sur.

Ito ay nang magkaroon ng mga problema ang Certificate of Canvass mula sa nasabing mga probinsya.

Ilan sa nakitang mga problema ay kung bakit ito ay nai-print sa ordinaryong printer na walang hash code gayondin ang kawalan ng security features at mga pirma.

Dahil sa nakitang problema, minabuti na lamang ni Senator Aquilino koko Pimentel, chair ng NBOC, na ipatawag ang election supervisor ng nasabing mga probinsya at hindi muna ito isinama sa canvassing.