15 bagets bagansiya sa riot

DINAMPOT ng mga awtoridad ang 15 kabataan makaraan magrambulan sa Recto Avenue sa Maynila nitong Miyerkoles ng madaling-araw.

Napag-alaman, nagbatuhan ng mga bote at nagpang-abot ang magkalabang grupo. Ilan sa mga menor de edad ay may dalang pamalong kahoy.

Nagpulasan ang mga kabatan nang magresponde ang mga barangay tanod.

Ngunit may ilang naglakas-loob pa na tumambay hangga’t hindi pa sila hinuhuli.

Natunton din ng mga awtoridad ang mga nagpulasang kabataan makalipas ang isang oras.

Isa-isang kinuha ang kanilang personal na impormasyon at dinala sa Department of Social Welfare and Development (DSWD).

Napag-alaman, 15 anyos lamang ang pinakamatanda sa grupo.