Ilibing si FM sa Libingan ng mga Bayani — Duterte (Bilang sundalong Filipino)

DAVAO CITY – Pabor si President-elect Rodrigo Duterte na mailibing sa Libingan ng mga Bayani ang labi ni dating President Ferdinand Marcos sa kabila nang pagtutol ng karamihan.

Ito ang inihayag ng outgoing mayor sa press conference sa lungsod ng Davao, ngunit nilinaw na hindi bilang bayani kundi bilang isang sundalong Filipino.

Gusto ni Duterte na ayusin agad ang pagpapalibing kay Marcos.

Matatandaan, higit 26 taon nang pumanaw si Marcos at nananatili pa rin ang labi sa Marcos Museum at Mausoleum sa Batac, Ilocos Norte.

Si Ferdinand Marcos ay ika-10 pangulo ng bansa, 6th President ng Third Republic at 1st President sa Fourth Republic.

Marami ang nagalit sa kanya dahil sa ipinatupad na martial law noong 1965-1986.

Nang sumakabilang buhay si Marcos noong Setyembre 28, 1989 sa edad na 72 sa Honolulu, Hawaii dahil sa sakit, iniuwi ang labi niya sa Filipinas ngunit marami ang tumutol na ilibing siya sa Libingan ng mga Bayani.