Cartel sa energy, telcos binalaan ni Duterte (Sa makupad at magastos na serbisyo)

DAVAO CITY – Malaking hamon sa energy at telecommnunication cartels ang plano ni incoming President Rodrigo Duterte na ibigay ito sa foreign players.

Ayon kay Duterte, kung hindi mag-improve ang mahinang serbisyo, bubuksan niya ito sa international players sa pamamagitan ng pagpasok sa isang kasunduan sa telecommunication companies.

Sinabi rin ni Duterte, gagawa siya ng polisiya upang mapabilis ng mga provider ang internet speed ng bansa na kinikilalang pinakamahina sa buong Asya.

Kung hindi aniya ito masunod at wala pa rin pagbabago sa serbisyo, ito na ang panahon upang buksan ito para sa foreign competition.

Bukod sa telecommunication companies, ganito rin ang gagawin ni Duterte sa energy sector.

Aniya, bubuksan niya ang industriya sa enerhiya sa foreign investors.

Layunin nitong mapataas ang kalidad ng serbisyo at mapababa ang bayarin sa koryente na pinakamataas rin sa buong Asya.

Nais ng presiden-elect na gumamit ng renewable energy gaya ng solar panels na pinakamura ngunit makabubuti ang serbisyo sa suplay ng koryente.