Selfie protocol ipatutupad sa supporters ni Digong

LILIMITAHAN na ng PNP ang supporters na gustong magpa-selfie kay president-elect Rodrigo Duterte dahil muntik na siyang matumba.

Ayon kay Davao City Police Office spokesperson Chief Inspector Milgrace Driz, magpapatupad na sila ng “selfie protocol” para sa seguridad ni Duterte.

Kamakalawa ay muntikang madisgrasya ang Davao mayor dahil sa pagbuhos ng mga gustong mag-selfie sa kanya sa labas ng Matina Enclaves sa Davao City.

Kabilang aniya sa rason nang muntikang pagkatumba ni Duterte ay dahil sa kawalan ng pahinga sa loob ng halos 21 oras.