Alden, nawala ang pagod sa regalong Iron Man

GRABE ang kasiyahang naidulot sa napakabait na Pambansang Bae ng Pilipinas na si Alden Richards nang regaluhan ito ng isang kaibigan ng kanyang fave super hero na isang collectible na Iron Man.

Saksi kami at kitang-kita namin ang kislap sa mata at kakaibang ngiti kay Alden nang makita niya ang malaking size na Iron Man na bagay na bagay sa kanyang bagong gawang tahanan.

Tsika nga sa nagregalo nito na nagmula pa sa ibang bansa, ”Kailangan mo na ng isang space para sa Iron Man mo,” na sinuklian naman ni Alden ng isang ngiti.

Nangako pa ang nagbigay ng regalo kay Alden na ‘pag may gusto pa itong ibang Marvel character ay ipadadala sa actor.

MATABIL – John Fontanilla