‘DU30’ decorative plate bawal – LTO

DAVAO CITY – Nanawagan ang Land Transportation Office (LTO) Region 11 sa supporters ni President-elect Rodrigo Duterte na ipinagbabawal ang paggamit ng decorative plates gaya ng “DU30 El Presidente.”

Ayon kay Eleanor Calderon, regional operations chief ng LTO, isa itong paglabag sa batas at maaaring pagmultahin ng P5,000, at kokompiskahin ang nasabing plaka at lisensiya ng driver.

Matatandaan, maraming kumita na mga negosyante dahil sa pagtitinda ng t-shirts, stickers, at decorative plates ni president elect Rody Duterte.

Napag-alaman din mula sa opisyal, nasa tatlong ‘violators’ ang kanilang nasampahan ng kaso dahil sa paglabag na kanilang nagawa.

Dagdag ni Calderon, mismong ang president-elect ay hindi papayag sa nasabing gawain.