Ugnayan nina Jen at Dennis, walang label

WALANG mapiga kay Jennylyn Mercado para umaming nagkabalikan na talaga sila ni Dennis Trillo. Kahit sabihin pa namin na kampanteng sinagot ni Dennis na hindi  magseselos si Jen sa bagong Kapuso sexy actress  at bagong ‘Papaya Queen’ na si Kim Domingo na kasama niya sa serye.

“Ano ba ‘yan? Napakadumi… napakadumi raw, oh! ..ha!ha!ha! hindi,,” reaksiyon ni Jen

“Wala, magkaibigan lang kami,” mariin niyang pahayag na natatawa rin dahil ayaw naming paniwalaan.

Agree rin si Jen sa sinabi ni Dennis na walang label kung anumang mayroon silang dalawa.

“Oo, ayoko, eh. Ayoko lang. Hindi naman kailangan, eh….wala, ayoko lang,” na-master na niyang pahayag.

“Ayoko ko pa kasi, hindi pa  ako handa,” bulalas pa niya.

So, ano talaga mayroon kayo?

“Wala.. wala kami,” pakli niya sabay tawa.

According kay Dennis  exclusively dating  sila?

“Hindi,” mabilis niyang pagdi-deny na tumatawa.

Pero hindi rin daw siya nakikipag-date sa iba dahil wala siyang oras.

Sobrang bihira raw na nagkakasama sila ni Dennis.

Pero sabi ni Dennis mas matured na siya ngayon kompara noong five years ago pero hindi pa rin ready?

“Eh, di sige!,” sey lang ni Jen.

Hindi ba niya nararamdaman ‘yun?

“Hindi ko alam. Hindi ko talaga alam… Sino ba ‘yun?,” pag-iwas pa niya sabay tawa.

“Wala namang nangyayari. Puro trabaho pa,” sambit pa ni Jen.

TALBOG – Roldan Castro