Daniel, gusto na raw magka-anak

“GODBLESS.” Ito ang reaksiyon ng rumored girlfriend ni Daniel Padilla na si Kathryn Bernardo sa biro ng Teen King na, “Ngayong 21 na ‘ko puwede na akong mag-anak.”

Bagamat na-shock ang audience sa deklara ni DJ sa Himig Handog, hindi maitatatwa na ganap na siyang binata sa kanyang edad at puwede na rin siyang magka-baby kung gugustuhin  niya. Malaki na ang naipon niya at kinita sa showbiz kaya puwede na talaga siyang bumuhay ng anak. Pero kung career niya ng iisipin niya, hindi pa talaga ito ang tamang panahon.

Binawi naman ng Teen King ang pahayag niya at sabay sabing joke lang ‘yun. Gusto lang daw niya na iba ang marinig ng mga tao na sagot niya dahil nakasasawa na rin ‘yung mga safe na statement.

“Binigyan ko lang sila ng ikaka-shock nila. Pero gusto kong mag-anak pero hindi pa ngayon,” paliwanag niya.

Pak!

James, mas pinili si Nadine over Hollywood career

ANG haba talaga ng hair ni Nadine Lustre dahil hindi siya nilaglag ng kanyang leading man sa pelikulang This Time na si James Reid.

Sa Fast Talk ng Tonight with Boy Abunda ay laging siya ang pinipili. Sa tanong kung Heart Evangelista o Nadine Lustre? Si  Nadine ang pinili ni James. Si Nadine naman ang itinuro niyang mas magaling maglaro ng computer game.

Tinanong din si James kung kailan siya huling nag-I love you kay Nadine?

“Before I came here,” tugon niya.

Everything naman ang sagot niya sa cutest part of Nadine’s face. Bagay rin daw si Nadine na maging Darna.

Napag-usapan din nila ni Kuya Boy kung nagagalit ba siya kapag masyadong sexy ang damit ni Nadine? Hindi naman daw siya galit pero hindi siya komportable na nakikita ito na seksing-seksi o super igsi ang shorts.

Ang pinakamatapang din niyang nagawa sa tanang buhay niya ay nang sabihan niya ng “I Love You” si Nadine sa kanilang concert.

Sinabi rin niya na may kanta siyang ginawa para kay Nadine na pinamagatang Forever. Bahagi ng lyrics nito ay, “We found forever. I promise I’ll make you believe we found Forever…

Pinamili rin siya kung Hollywood career or a simple life with Nadine?

“Oh, a simple life every day,” pakli niya.

Last question, chocolates or kiss ni Nadine?

“Of course kiss ni Nadine,” sambit niya.

May komportable din si James sa akbay kaysa hawak kamay.  

Nakakikilig!

Career ni Julia, zero pa rin kahit ilang beses nang nagbida

ILANG beses nang nabigyan ng pagkakataon si Julia Barretto pero hindi pa rin makaalagwa ang career. Ilang beses na siyang nagbida sa serye pero waley pa rin.

Mukhang mabigat ang showbiz para kay Julia.

Balitang hinahanapan na naman daw ito ng bagong leading man para sa isang bagong teleserye. Sana nga ay makatisod na siya ng kapareha na magki-click sila.

Iwasan din siguro ni Julia na magpaka-nega, maarte magsalita at pag-aralan niya kung paano siya maabot ng masa.

Dapat maramdaman ng tao na nagpapakatotoo siya para magaan din ang dating niya sa netizens.