Mga Kasalanan at Kakulangan ni Leila De Lima sa Taongbayan!

Nag-aambisyong makapasok sa senatorial winning circle of 12 si dating Department of Justice (DOJ) Secretary Leila de Lima, at sa kasalukuyan ay labas-masok sa mga panghuling puwesto ng mga nais iluklok ng botante sa mataas na kapulungan.

Hustisya at pagsunod sa batas ang panawagan ni De Lima. Hindi na bago ito, gasgas na ngang linya ang hirit na ganyan. Sa pagdesisyon kung karapat-dapat ba talagang maging senador si dating Madam Secretary, kilatisin nga natin ang aktuwal na nagawa at hindi nagawa ng nasbaing opisyal.

Sa totoo lang, marami-raming isyu laban kay Leila.

Uunti-untiin natin ito para naman maliwanagan ang botanteng Filipino.

Una na rito ang kawalang aksiyon ng DOJ sa paglalatag ng kaso at pagsasampa ng asunto laban sa hinihinalang smugglers. Hindi raw sapat ang ebidensya sabi ng DOJ, kaya ibinalik sa NBI ang imbestigasyon sa rice smuggling.

Sa totoo lang, kung nagsipag lang si De Lima sa pagkuha ng salaysay ng napakaraming negosyanteng nagpatunay na talamak ang rice smuggling, sana’y napanagot na noon pa. Paano man tingnan ngayon, natulog o namatay na ang isyung ito. Anong ginawa ni De Lima, bukod sa madalas na pagbalandra ng mukha niya sa media?

Waley?!

Sunod ang usapin ng kawalan ng aksiyon ni De Lima sa mga kabalbalang nangyayari sa Bilibid. Ano rin ang nangyari sa mga raid at bisita niya kuno? Wala rin. Tingnan ang Bilibid ngayon at kung ano ang dinatnan ni De Lima, naroon pa rin lahat – mga naglipanang bawal na personal na gamit gaya ng cellphone, TV, aircon, ref, at marami pang iba. Talamak din ang pagpasok ng droga, baril at iba pang kontrabando. Ano ang nagawa ni De Lima sa pagreporma ng National Penitentiary?

Waley na naman?!

‘Yun mga kaso ng media killings may nagawa ba siya?

Waley pa rin?!

Mukhang puro sa kiyaw-kiyaw lang magaling si De

Lima, magaling lang sa publicity. Puro bokya. Walang nagawa.

O baka mas abala siya sa kanyang lovelife???

Abangan pa ang mga susunod na kabanata.

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com