NAIA Terminal 3 potensiyal sa security risk

MARAMING nakapuna sa napakaraming commercial establishments at advertisements ngayon sa Ninoy Aquino International Airport (NAIA) Terminal 3.

Siyempre mayroong mga natutuwa pero marami rin ang nag-iisip na mukhang sobrang dami naman.

Dahil commercial establishments, hindi lang mga pasahero ang nakapapasok, pati mga well-wishers at mga naghahatid.

Baka dumating pa ang panahon na kahit sino na  lang, kahit walang transaksiyon sa NAIA ‘e puwede nang makapasok sa mga establishments na ‘yan!?

Kung ganyan ang kondisyon, hindi kaya maging security risk ‘yang sobra-sobrang pagpapasok ng commercial establishments sa NAIA Terminal 3?

Nagtatanong lang po tayo…

Mukhang matindi ang pangangailangan ng Kamaganak Inc., kaya panay ang pagpapapasok ng commercial establishments?!

At hindi rin kaya maging dahilan ng power shortage ‘yan?

‘E mantakin n’yo naman nang mag-brownout sa airport kamakailan, prehuwisyong todo ang sinapit ng airlines at ng mga pasahero.

Hindi naman masisingil ng airline ‘yung Manila International Airport Authority (MIAA) para panagutin sila sa pagkalugi…

Lalo na nga kung ang rason ni MIAA general manager Jose Angel Honrado ‘e ‘minalas sila!’

Watafak!?

‘E paano kung maulit ‘yan?

Minalas ulit?!

Sabi nga ng mga empleyado sa NAIA — dapat patalsikin na ang mga ‘malas’ sa NAIA?!

Anti-discrimination ordinance sa Kyusi pabor sa kababaihan

MARAMI ang natuwa sa inaprubahang anti-discrimination ordinance pabor sa kababaihan sa Quezon City sa ilalim ng administrasyon ni Mayor Herbert Bautista.

Sa ilalim kasi ng nasabing ordinansa, bawal sipolan, sabihan ng ‘uy ang seksi’, kindatan o kung ano mang anyo ng pambabastos na magdi-discriminate sa kababaihan.

Pero sandali, para naman kasing ‘OROCAN’ ang ordinansang ito ni Bistek.

‘E hindi ba’t talamak ang human trafficking, prostitution at exploitation sa kababaihan sa Quezon City ngayon?!

Sa Quezon at Timog Avenue na lang, ilan ang mga KTV club diyan na kilalang-kilalang may pokpokan sa sa kanilang VIP rooms?

Ang mga SPA-KOL sa Kamuning?!

Ang beerhouses at mga gay bar sa Cubao?!

Hindi ba’t nariyan ang mga tahasang pagtampalasan sa dangal ng mga kababaihan?

‘E bago tayo maniwala na mayroon ngang malasakit ang administrasyon ni Bistek sa kababaihan, ‘e ipa-raid muna niya at ipasara ‘yang mga establisyementong pokpokan!

Napakasuwerte na nga ni Bistek dahil wala siyang kalaban ngayong eleksiyon …

Pero kung may kalaban siyang mabigat-bigat, tiyak sasambulat ang mga lihim sa Pandora’s box.

‘Yun lang!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com