Ginang todas sa selosong live-in partner

CAUAYAN CITY, Isabela – Matinding selos ang nakikitang motibo ng mga awtoridad sa pananaksak ng isang lalaki sa kanyang live-in partner sa Maddela, Quirino kamakalawa.

Pinaghahanap ng mga awtoridad ang tumakas na suspek na si Roberto Del Rosario, tubong Victoria, Aglipay, Quirino.

Agad binawian ng buhay sa insidente ang biktmang si Cristy Sison, 42, hiwalay sa asawa, tubong lungsod ng Santiago, ngunit nakatira sa Brgy. Poblacion Sur, Maddela, Quirino.

Inihayag ni Chief Insp. Godofredo Wasin, hepe ng Maddela Police Station, ang biktima ay nasa loob ng kanyang puwesto nang pasukin ni Del Rosario at nagkaroon sila ng pagtatalo hanggang saksakin ng suspek ang biktima.