Jail Break: J.O. patay pulis sugatan 3 nakapuga (Sa Balayan, Batangas)

PATAY ang isang jail officer sa Balayan, Batangas makaraang barilin ng pumugang mga preso kahapon ng madaling araw.

Batay sa inisyal na imbestigasyon, pumuga ang inmates na sina Marvin Peraldo, Jessy Pega at Hajji Mendoza sa pamamagitan ng paglagare sa kanilang selda gamit ang string ng gitara.

Inagaw nila ang baril ni Senior Jail officer Leonardo De Castro at binaril sa ulo na agad niyang ikinamatay.

Nakasalubong ng tumakas na mga preso si PO3 Roderick Budapara at nakipagpalitan ng putok kaya nasugatan ang pulis.

Patuloy pang tinutugis ng pulisya ang nakatakas na mga preso.