Mekaniko utas sa sex enhancer

PATAY ang isang 50-anyos mekaniko makaraang uminom ng sex enhancer pill sa Davao City.

Sinasabing kasama ng biktima ang kanyang 50-anyos nobya nang mag-check in sa isang hotel, Linggo ng gabi.

Base sa paunang imbestigasyon, bigla na lang nakaramdam ng paninikip ng dibdib ang mekaniko.

Ipinasyang matulog na lamang ng biktima ngunit hindi na nagising.

Nakuha sa loob ng bag ng biktima ang lalagyan ng sex enhancer pill.

Hinala ng pulisya, ininom na niya ito bago pa pumasok ng hotel.

Ayon sa mga eksperto, matagal nang ipinagbabawal ang ganitong klase ng pills sa mga may sakit sa puso o hypertensive.