UV/GT Express ni TESDA boy humahataw sa Bulacan

MARAMI sa ating mga kababayan ang patuloy na umaangal dahil sa sobrang hirap ng pinagdaraanan sa pagkuha ng isang legal na prangkisa para makapag-operate ng UV/GT express.

Lalo na kung ikaw ay isang ordinaryong mamamayan lang ‘di ba?

Pero may ilan yata na talagang pinagpala especially kung malapit ka sa ‘kusina’ o may katungkulan sa gobyerno o malapit kay Pnoy.

Humahataw kasi ngayon sa Tabang, Guiguinto Bulacan ang isang terminal ng UV/GT express na mahigit 40 van na pag-aari umano ni TESDA boy at senatoriable JOEL VILLANUEVA.

Hindi tuloy maiwasan na mainggit ang mga residente ng Guiguinto kay Joel Villanueva sa kanyang negosyo.

Alam kasi nila na mayaman ang pamilya ni Villanueva (nakakapag-New Year nga sa Hong Kong), pero kahit negosyong UV express ay pinasok pa rin.

Ito raw ba ang isa sa gantimpala ng pagiging malapit n’ya kay Pnoy?

Base sa mga urotan ng mga drayber, jackpot nga raw sa boundary ang mga UV/GT express ni Villanueva. Mantakin nga naman n’yo kung 40 van X P1,000 = P40,000 araw araw ang kitakits ni Tesda Boy?!

Mataas nga raw kompara sa iba ang boundary kay Tesda boy, sabi pa ng isang drayber.

Tanong ng mga drayber, bakit kapag kay Villanueva ay parang ang bilis ng labas ng prangkisa pero sa iba ay inabot na nang taon, nganga pa rin ang kanilang application?!

Anyway, gusto ko lang tanungin si Tesda boy Villanueva kung kasama ba sa trabahong ipinapangako n’ya ang pagiging UV/GT express driver?

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com