HATAW! D'yaryo ng Bayan hatawtabloid.com
Hindi naman nawawala ang respeto at paghanga ni Angel Locsin kay Ms. Vilma Santos. Ngayon pang nagkasama sila sa pelikula. Puro papuri ang madalas sabihin ng actress sa kanyang future mother-in-law. First time silang nagkasama sa isang pelikula.
Super close na kaya sila dahil boyfriend niya si Luis Manzano?
“Hindi ko masabing close na kami pero ang bait ni Tita (Vilma), sobrang ang bait niya kahit offcam, kahit kami-kami lang ang magkakasama ganoon pa rin ‘yung kabaitang ipinakikita niya sa lahat ng tao,” sabi ni Gel (tawag ni Ate Vi kay Angel).
“Palagi ko ngang sinasabi kay Direk Joyce, okay pa ba? Sobrang startruck ko nga, tapos nakahilera pa ‘yung pangalan (poster & billboard) mo siyempre, napakalaking bagay ‘yun tapos nakaka-eksena mo pa. Buti na lang nagkaroon ako ng director na nakatutok talaga sa bawat eksena namin ni Tita (Vilma).
“Hindi nahihiya si Direk Joyce na pagsabihan ako, ‘Angel ayaw ko ‘yan, ayaw ko ng magandang iyak, gusto ko mas jologs pa, gusto ko mas natural. Huwag mo akong artehan, huwag mo akong bigyan ng acting na acting, hindi ito drama.’
“Ang hirap kasi makakawala sa nakaugalian kong technique, so nagpapasalamat ako kay Direk Joyce. Hindi ko masasabing porte ko na ito, gusto ko naman magbukas ng ibang atake sa acting dahil ‘yun kay Direk Joyce.
“’Yung ipakikita ko sa pelikulang ito, hindi ko magagawa kung walang gabay si Direk Joyce,” mahabang litanya ni Angel.
( EDDIE LITTLEFIELD )
