2 pulis, sundalo tiklo sa drug bust (Sa Sultan Kudarat)

KORONADAL CITY- Dalawang police officer at isang miyembro ng Philippine Marines ang naaresto ng mga awtoridad sa drug buy bust operation sa Brgy. Tibpuan, Proper Lebak, Sultan Kudarat pasado pasado 6 p.m. kahapon.

Kinilala ang mga suspek na sina PO1 Hamid Kahrun, nakadestino sa Police Regional Office ng ARMM, PO3 Bernardo Uy, nakadestino sa Palomo Matina Provincial Headquarters Davao City at Sgt. Arwin Agrigado, miyembro ng Philippine Marine at nakadestino sa Marine Batallion sa coastal area ng Sultan Kudarat.

Pawang mga AWOL ang estado ng tatlong suspek.

Nakuha sa kanila ang 17 small sachet ng shabu, 1 large sachet, drug paraphernalia, P500 buy bust money at cash na P 6, 677.

Habang arestado rin ang tatlong iba pa na nahuli sa akto sa compound habang nagpa-pot session.

Kinilala ang mga suspek na sina John Michael Pedrano, Ahkmad Guiamel at Ronald Fernando Jr., pawang nasa hustong gulang at mga residente ng nasabing barangay.

Ang nasabing operasyon ay isinagawa ng Sultan Kudarat CIDG, Sultan Kudarat intelligence Division at Lebak PNP.