Higit 12-K M4 carbine para sa AFP nai-deliver na

SUMAILALIM na sa technical inspection ang mahigit 12,000 bagong M4 Carbines ng Armed Forces of the Philippines (AFP) makaraang makompleto ang delivery noong Disyembre.

Ayon kay Army spokesman Col. Benjamin Hao, ang mga inorder na baril na bahagi ng modernization program ng AFP ay isasailalim muna sa inspeksiyon sa pamamagitan ng military experts bago i-turn over sa mga sundalo.

“They have to undergo procedure, it takes another time before they will be distributed to troops,” ani Hao.

Nabatid na nai-deliver na lahat ng American arms manufacturer Remington ang huling batch at karagdagang 56,843 mula sa 12,657 M4 carbines na binili ng pamahalaan.

Pinondohan ito ng AFP ng P1.9 bilyon.

Unang na-deliver ang 24,300 baril noong Hulyo 2014 at sinundan ito ng 19,300 piraso makaraan ang isang buwan.

Ang M4 carbine ay kapalit ng 1960s-era M16 rifle na gamit ng mga sundalo ng AFP.