Kuya Germs ihihimlay sa Enero 14

ITINAKDA sa araw ng Huwebes, Enero 14, ang libing ng tinaguriang Master Showman na si German “Kuya Germs” Moreno sa Loyola Memorial partk sa Marikina.

Ito ang sinabi mismo ng kanyang pamangkin na si John Nite.

Nabatid na patuloy ang pagbuhos nang pakikiramay mula sa malalapit na kaibigan sa showbiz, kamag-anak, kaibigan at mga fans sa burol ni Kuya Germs.

Napuno ang loob at labas ng Mount Carmel Chapel sa Quezon City sa dami ng mga tagahanga at kaibigan na nagnanais makita ang labi ng beteranong aktor.

Ilang celebrities din ang bumisita sa burol ni Kuya Germs na nagbigay ng kanilang pakikiramay at respeto na kinabibilangan ng aktres na si Dawn Zulueta, Rita Avila at Mother Lily Monteverde.

Magkakaroon ng tsansa ang lahat na makita ang labi ng kilalang comedian/actor/host sa public viewing na magtatagal nang apat na araw o hanggang araw ng Martes.

Sa higit limang dekada ni Kuya Germs sa industriya ng showbiz, iginugol niya ang kanyang oras upang tulungan ang mga kapwa artista partikular ang mga nag-aasam na magkaroon ng break pinilakang tabing.

Ililipat ang labi ni Kuya Germs sa Enero 13, Miyerkoles, sa network na kanyang kinabibilangan na naging loyal siya nang mahigit sa 50 taon.